3.jpg

پربیننده ترین در 3 ماه گذشته

آمار بازدیدکنندگان

mod_vvisit_counterامروز33
mod_vvisit_counterدیروز296


اورميه گؤلونون قوروماسي ايله باغلي اعتیراضلاردا چوخ سايدا آدام حبس ائديليب PDF چاپ نامه الکترونیک
جمعه ۱۲ خرداد ۱۳۹۱ ساعت ۱۷:۲۸

آذوح: آمئریکانین سسی - دیلشاد علی یارلی

پوليس و تهلوکه‌سيزليک قوووه‌لرينين اعتراضلاری داغيتماق اوچون گؤزياشارديجي قازدان و دئينئکلردن ايستيفاده ائتديگي بيلديريلير.

ايراندا تهلوکه‌سيزليک قوووه‌لري و ايغتيشاش پوليسي آذربايجانليلارين ياشاديغي تبريز، اورميه، مرند، ماراغا و ميانا شهرلرينده اورميه گؤلونده يارانميش ائکولوژي وضعيتله باغلی کئچيريلن اعتيراض آکسیالارینی داغيديب.

بو هاقدا ايراندا آذربايجانلي سياسي مهبوسلاري مودافيعه بیرلیی آداپ آچيقلاما ياييب. آچيقلامادا دئييلير کي، اعتیراضچیلاری داغيتماق اوچون دئينئکلر و گؤزياشارديجي قازدان ايستيفاده ائدن ايغتيشاش پوليسي و تهلوکه‌سيزليک قوووه‌لري اونلارلا آدامي حبس ائديب.

شاهيدلر باتی آذربايجان ويلايتينين باش کندی اورميه ده اونلارلا آدامين حبس ائديلديگيني دئيب. اعتیراضا چيخان اينسانلارين اورميه گؤلونون قوروماسينين قارشيسيني آلماق اوچون حؤکومتي تدبير گؤرمه‌يه چاغيران شوعارلار باغيرديغي بيلديريلير.

آداپ-ين اؤز منبعلريندن آلديغي معلوماتا گؤره، تبريز بیلیم یوردوندا آذربايجانلي اویرنجیلر بیرلیي نين کاتيبي افسانه توقير، آذربايجانلي فعاللار اکبر مهاجر، حسن ميرزاخاني و محمد اسکندرزاده حبس اولونانلار آراسيندادير.

آذربايجانلي فعاللار حسین احمديان و علی حامد ايمانين اعتراضلاردان بير نئچه گون اول حبس ائديلديگي بيلديريلير.

اورميه گؤلونون قوروماسينا اعتيراض نوماييشلري 2006-جي ايلده ايرانين آذربايجانليلارين ياشاديغي شهر‌لرينده ماي اعتراضلارینین آلتينجي ايل دؤنومونون تامام اولدوغو واخت کئچيريلير.آلتي ايل بوندان اول ماي اعتراضلاری زاماني تخمينن اون نفر اؤلموش، مينلرله اينسان حبس ائديلميشدير.

باتی و دوغو آذربايجان ويلايتلري آراسيندا يئرلشن اورميه گؤلونون قوروماسي اراضيده ياشايان آذربايجانليلاري بؤيوک ائکولوژي فلاکت قارشيسيندا قويموشدور. اورميه دونيانين بؤيوک گؤللريندن بيري حساب ائديلير.

اطراف موحيط فعاللارينين بيلديرديگينه گؤره، سون زامانلار گؤلده ياراديلميش بندلر، هابئله اورميه و تبريز شهرلري آراسيندا سالنيميش کؤرپو گؤلده سويون بوخارلانماسينا سبب اولموشدور.

اوزمانلارین سؤزلرينه اساسن، گؤلون قوروماسي اراضيده ياشايان تخمينن 13 ميليون اهالينينين حياتينا اؤز تاثيريني گؤسترير.

سون ايللر آذربايجانليلارين ياشاديغي شهرلرده اورميه گؤلونده يارانميش ائکولوژي وضعيتله علاقه دار کئچيريلميش دينج آکسييالار ايرانين تهلوکه‌سيزليک قوووه‌لري طرفيندن داغيديليب .

خبرین لینکی:

http://www.voanews.com/azerbaijani/news/Iran-Urmia-Demomnstrations-05-22-2012-152590365.html

 

دیدگاه شما

افزودن نظر