3.jpg

پربیننده ترین در 3 ماه گذشته

آمار بازدیدکنندگان

mod_vvisit_counterامروز1956
mod_vvisit_counterدیروز2919


اورمی گول فاجعه سی !- حسن جداری PDF چاپ نامه الکترونیک
جمعه ۲۶ خرداد ۱۳۹۱ ساعت ۱۷:۴۸

اورمی گولونی، قوپ قوری عطشان، گورورم من

بو ئولکه نی باشدان باشا،ویران گورورم، من

سو حسرتی، ئولدوردی شرفخانه نی، بیر با ش

گولمان خانانی،کلبه احزان، گورورم من

اورمی گولونه، گوز تیکیب حسرتله باخاندا

احوالینی چوخ زار و پریشان، گورورم من

چایلار قورویوب،قالمادی سو،اورمی گولونده

اورمییه نی ، ئوز قانینه غلطان، گورورم من

دوز، سو یئرینی دوتدی بوتون اورمی گولون ده

هر یانی قوری، برٌ و بیابان، گورورم من

باش ساغلیغی اورمییی یه ، سولدوز وئریر،ایندی

بیر با ش گونی یی، تبریزی، نالان، گورورم من

سد لر وئرولوب،سو کسیلیب،چای قورویوب دور

اورمی گولونی،تشنه و عطشان، گورورم من

گوز یاشی مگر دولدورا،عطشان گولی، بیر آز

خلقین گوزونی بیر بئله گریان،گورورم من

اورمی گولی بیر فاجعه دور کی یارادیب لار

دوشمن الینی، بوردا نمایان، گورورم من

ایل لردی کی بو ئولکه، یانیرظولمون اود یندا

خلق ایچره، بوتون حسرت و حرمان، گورورم من

دورموش آیاغا،کوتله، ارومییه ده بیر با  ش

تبریزده، بوتون شورش و عصیان،گورورم من

گوی لر دوتولوب،یئل لر اسیر،ائل حرکت ده

بو ئولکه ده عصیان نه کی، طوفان،گورورم من

خلق ایچره،بوطغیانی، بو عصیانی، گورنده

ظولمون ائوینی، یکسره ویران،گورورم من

سد لر یئخیلیب ،چایلارآخیر،گول ده، دولوب دور

خلقین اوزونی، گول کیمی خندان، گورورم من

1390

 

دیدگاه شما

افزودن نظر